Monday, November 10, 2008

عجبنى رد وحده عن اليز والجايز المثليين وكلامها وايد حلو واقنعنى






عجبنى رد وحده عن اليز والجايز المثليين وكلامها وايد حلو واقنعنىالصراحة كلامها حلوووجهة نظرها مقنعهعارفه شلون ترد على هالناس المتخلفه






تحياتي للكل, طبعا أدري ان الموضوع قديم شوي بس حبيت ابدي رايي المتواضع, طبعا أحترم كل الاراء والنقاط اللي انذكرت في هالموضوع وشكري للجميع, حبيت أذكر بعض النقاط البسيطه بعد ما الكل ادلى بدلوه سواء اذا كان رأيه ايجابي او سلبي, بالأول احب أطرح سؤال للجميع, اذا كنتو تقولون ان المثليه جريمه يجب ان يعاقب عليها القانون, وان المثليين والمثليات لازم يتعالجون او ينسجنون أو....مهما كانت حلولكم ,مو الأحرى ان هالشي يصير ايضا لمجرمين السرقه واللي ياخذون رشوه والقتله وتجار المخدرات؟ ليش مشكله المثليه سويتوها ام المشاكل؟ او انها مشكله لو انحلت راح تنحل كل المشاكل على وجه الأرض؟ على الأقل المثليين مالهم علاقه بأحد لكن السارق يضر المسروق والقاتل يخلف ضحيه وبايع المخدرات يدمر شاب أو شابه, لكن شنو الغلط ان واحد يحب واحد او وحده تحب وحدة؟ واتكون بينهم علاقه حب؟ يمكن في ناس راح تقول كلامي غلط, مع احترامي لكم شنو الشي اللي راح يضرك انتا اذا بنت حبت بنت او ولد حب ولد؟ ما اعتقد راح يضرك بشي, وشغله ثانيه أحب أذكرها, اذا الحين على قولتهم يطالبون انهم يمسكون البويات والجنوس ويحولونهم للعلاج أو للسجن, طيب والناس اللي كل متحركه عندها حلال؟ اللي مايفرق بنت ولا ولد ولا حتى جماد أو حيوان أجلكم الله؟ اللي يقول ويييع الجنوس مال تحرقهم وأهوا تلقاه نايم مع جنس اذا مو اكثر, او اللي تقول وييع ترى فلانه بويه واهيا ودها تنام مع بنت و لابتوبها متروس صور بنات, وعلى فكره من هالأمثله موجودين و أعرف منهم عدل وهذيل شي بسيط من شغلات كثيره, هل هذيل يعتبرون طبيعيين و مو محتاجين علاج؟ هذيل اصلا هم الاولى بالعلاج لانهم مرضى نفسيين و موعارفين شنو ميولهم الجنسي, بس مجرد جسم يشبع فيه غريزته, على الأقل انه لما اخترت اني أكون من المثليين كان هالشي من قناعه شخصيه, و ليما الحين ما اعتقد اني ضريت أحد في هالشي, أنه ما ابي اقول ان احنا كويتيين حالنا من حالكم ولنا مثل اللي لكم في هالارض الطيبه اللي ما تفرق بين المواطن والمقيم والكل عايش من خيرها, لكن ليش النظره ان احنا طفرات على المجتمع؟ ياخي الدول المتقدمه اللي اهيا تسبقنا بالف سنه تعامل المثليين حالهم حال الباجي, لكن احنا نعتبرهم جراثيم تضر البلد, وهذا سبب تخلفنا, ننظر للامور العاديه على انها في غايه الخطوره والامور الثانيه لا مو الحين, نعالجها بعد ما نعالج الطامه الكبرى اللي اهيا المثليين, و بما اني انتمي منهم و أفتخر اني منهم وأحترم الكل سواء المثليين و الطبيعيين, لكن في أمور والله أهم من أن فلان أو فلانه مثلي لازم نسجنهم أو نذبحهم, ليش؟؟؟؟ طبعا انه ما الوم البعض لما يشوف أشياء سلبيه من بعض المثليين لكن أصابع اليد مو متساويه, في دخلاء وهذيل اهم المرضى , والمثلي أو المثليه اللي يعتبر نفسه مريض لازم يتعالج ويرجع لحالته الطبيعيه, لكن اللي اختار أو أحتارت انهم يكونون مثليين من قناعه شخصيه فهذي حريتهم الشخصيه اللي كفلها لهم القانون وما يعتبر مريض لانه مخير في هالشي, أدري ان كلامي يمكن يكون بلا فايده لان المجتمع للاسف يشن حمله شنيعه على المثليين والمثلييات و ان مستحيل نطور نفسنا و نسوي مثل دول الغرب, لكن الواحد يتمنى, وانشالله يتحقق هالشي حتى لو في المستقبل البعيد.سامحوني على الاطاله وعلى ركاكه الكلام لكن مجرد وجهة نظر حبيت أوضحها وسلامي للكل والسلام ختام
__________________
واتوقع سبب تخلف اغلبية الدول العربيه , ننظر للامور العاديه على انها في غايه الخطوره والامور الثانيه لا مو الحين ليست بذلك الخطوره اي شى صح مو صج,"



على رااااااااااااااسي والله كلاامه في محلة وياليت الناس ينظررون لنه بهالنظرررةويعالجون قضايا اكبر وابشع قبل لا يلتفتون للمثيلية

No comments: